Haliti: Rinia është e LDK-së

Viti – Në tubimin parazgjedhor të cilin e organizoi shtabi brilant i Forumit të Rinisë së LDK-së,u promovuan kandidatet për asamblist nga dega e LDK-së në Viti.

Të pranishmit i përshëndeti kandidati për kryetar të Komunës së Vitisë Sokol Haliti.
“Rinia do të jetë një ndër prioritetet kryesore gjatë mandatit tim. Do të hap qendrën rinore, ndërtimi i palestrës sportive është prioriteti kryesor sepse me këtë do të shmangim dukuritë devijante të rinisë. Do të ndërtoj fusha të futbollit, po ashtu edhe të basketbollit.Do të përkrah punësimin e të rinjve dhe normalisht studentët më të suksesshëm do t`i stimulojmë me bursa” tha ndër të tjera Haliti.

Më pas rininë e përshëndeti edhe këngëtarja jonë e mirënjohur Zanfina Ismajli e cila kërkoi që me 3 nëntor të dalin dhe të votojnë LDK-në dhe Sokol Halitin për kryetar.

Pas kësaj vazhdoi programi kulturor artistik me këngë të bukura nga kjo këngëtare thuhet në njoftimin e degës së LDK-së në Viti./rajonipress/