Haliti priti në takim përfaqësuesit e projektit “Up to Youth”, bisedohet për bashkëpunimin e dyanshëm

Viti – Kryetari i komunës së Vitisë, Sokol Haliti me bashkëpunëtorë ka pritur sot në takim përfaqësuesit nga projekti ” Up to Youth”, në krye me Antigona Dajakaj-Fejza.

Gjatë këtij takimi është folur lidhur me bashkëpunimin e deritanishme të komunës së Vitisë, me këtë projekt.

Dajakaj- Fejza, bëri me dije se ata janë në prag të përfundimit të projektit në fjalë, duke potencuar se gjatë kësaj kohë kanë pasur një bashkëpunim të mirë në interes të komunës së Vitisë e në veçanti të rinisë që ishte edhe fokus i këtij projekti.

Ndërkaq Haliti, falënderoj ata për bashkëpunimin duke shtuar se Vitia është e gatshme të vazhdojë bashkëpunimin pasi që rinia ka një rëndësi të veçantë për qeverisjen lokale të Vitisë.

Ai tha se duhet të punohet edhe më shumë në aftësimin dhe ngritjen profesionale të rinjve për tregun e punës, duke i njoftuar ata edhe me punë të tjera të bërë jashtë këtij projekti për rininë vitiase.

Përfaqësuesit e projektit në fjalë ja dhanë Halitit edhe një kopje të broshurës me sukseset e arritura./rajonipress/