Haliti me bashkëpunëtorë viziton punimet ambientale në Fshatin e Ri dhe në Kllokot

Viti – Kryetari i Komunës së Vitisë, z. Sokol Haliti, së bashku me bashkëpunëtorë nga komuna, ka vizituar sot punimet ambientale që po zhvillohen në Fshatin e Ri, afër shkollës lokale.

Në këtë hapësirë kanë filluar punimet për rregullimin e parkut të gjelbër, i cili do të shërbejë si vendpushim dhe hapësirë rekreative për banorët e zonës, veçanërisht për nxënësit dhe të rinjtë.

Haliti, gjithashtu ka vizituar punimet në rregullimin e asfaltit ndërmjet trotuarit dhe asfaltit në drejtim të Kllokotit, deri te vendi “Mediterani”, si dhe përfundimin e sheshit deri te ura afër çerdhes.

Po ashtu, ai ka parë nga afër edhe punimet që po kryhen nga kompania “Hidromorava” në disa lagje të qytetit të Vitisë, ku po punohet në shtimin e rrjetit të gypave të ujësjellësit me qëllim përmirësimin e furnizimit me ujë të pijshëm për qytetarët./rajonipress/