Haliti: Gruaja është dhe do të mbetet shtyllë e së ardhmes

Viti – Nën organizimin e Forumit të Gruas së LDK-së dega në Viti, u mbajt një takim promovues i grave kandidate për Asamblenë Komunale të Vitisë.

Programin zgjedhor e shpalosi edhe kandidati për kryetar Sokol Haliti, i cili në mes tjerash tha se me qeverisjen e tij nuk do të ketë degradim të gruas, do të rritet edhe me tej pozita e gruas në shoqëri, po ashtu edhe në institucione. Gjatë mandatit të tij do të avancojë proceset me qëllim të përmirësimit dhe ngritjes sa më lart të ndikimit të tyre në shoqëri.

Në fjalën e saj Xhilsime Qamili, njëherit kandidate për Asamble tha se me fitoren e LDK-së do të sigurohet shërbimi gjinekologjik në QKMF, do të sigurohet një mamografi, që do të mundësoj zbulimin e hershëm të kancerit.

Më pas filluan pyetjet në të cilat u përgjigj Vjollca Kadolli , po ashtu kandidate për Asamblenë Komunale, lidhur me çështjet e ndryshme të cilat u ngritën gjatë tubimit. Ajo kërkoi që të votohet LDK-ja dhe Sokol Haliti me numër 78./rajonipress/