Haliti gol në ‘Champions’

Sulmuesi kosovar, Labinot Haliti, ka vazhduar formën e tij të mirë me skuadrën e tij Western Sydney. Sulmuesi kosovar, ka qenë titullarë me skuadrën e tij në ndeshjen e Ligës së Kampionëve të Azisë në përballje ndaj skuadrës japoneze Kawasaki Frontale.

Haliti ka qenë titullarë në këtë takim për Sydney, ndërsa ka arritur të shënoj edhe golin e epërsisë për skuadrën australiane në minutën 24-të të ndeshjes. Fatkeqësisht skuadra e kosovarit ka pësuar humbje në pjesën e dytë, pasi japonezët kanë shënuar dy gola nëpërmjet Nakamurës dhe Oshimës.

Haliti ka qëndruar në fushë për 82 minuta, ndërsa paraqitje e tij është vlerësuar lartë nga mediat australiane. Pas kësaj humbje, Sydney ende ka mbetur me gjasa për kualifikim nga grupet pasi ndodhet në vendin e dytë në grupin H me gjashtë pikë të tubuara një më pak se lideri i grupit Ulsan Hyundai.