Halili: Në Viti ka rënie të aksidenteve në trafik

Viti – Komandanti i Stacionit Policor, Kapiten Afrim Halili, potencoi se në këtë komunë gjendja e sigurisë është e qetë dhe stabile dhe e menaxhuar pa incidente të mëdha. Ai tha se janë shënuar ulje e rasteve të vjedhjeve qoftë të lehta dhe të rënda.

Nën kryesimin e zv.kryetarit të komunës së Vitisë, Hasan Aliu, sot u mbajt mbledhja e dytë e rregullt e Këshillit Komunal për Siguri në Bashkësi (KKSB). Gjatë këtij takimi u vlerësua se gjendja e sigurisë në këtë komunë është e qetë dhe stabile dhe se ka rënie të rasteve të ndryshme.

Komandanti i Stacionit Policor, Kapiten Afrim Halili, potencoi se në këtë komunë gjendja e sigurisë është e qetë dhe stabile dhe e menaxhuar pa incidente të mëdha.

Ai tha se janë shënuar ulje e rasteve të vjedhjeve qoftë të lehta dhe të rënda. Sipas tij edhe në shkollat ka rënie të incidenteve duke shtuar se fushatat e ndërgjegjësimit ka ndikuar pozitivisht tek nxënësit.

Komandanti Halili shtoj se gjithashtu ka raste të rënies se aksidenteve në trafik.

Ndërkaq kryetari i komunës së Vitisë, Sokol Haliti tha se kjo komunë po bashkëpunon me të gjithë mekanizmat për sigurinë dhe mirëqenien e të gjithëve.

Ndërkaq anëtarët e KKSB-së kanë ngritur disa çështje që kanë të bëjnë me sigurinë si: qenët endacak, prania e motoçikletave në vende jo të destinuara, zjarrëvëniet, bartja e armëve nga nxënësit, prerjet ilegale të pyjeve etj.

Hasan Aliu, zv.kryetar i komunës së Vitisë, i njoftoj të pranishmit lidhur me disa veprime që ka marrë komuna për sezonin veror dhe shtimit të kapaciteteve./rajonipress/