“Hajnat” shfaqje që godet imoralitetin e shoqërisë

Gjilan – Më 1 korrik në teatrin e qytetit të Gjilanit jepet premiera “Hajnat” e Dario Fo, me regji të Gëzim Bucollit, derisa aktrojnë Ernest Zymberi, Njomza Kalaveshi, Alban Shahiqi, Safete Mustafa-Baftiu, Rexhep Maloku, Mejreme Berisha e Bashkim Nexhipi.

Në një konferencë për medie që kanë mbajtur drejtuesit e teatrit , aktorët dhe regjisorët e komedisë u tha se kjo një shfaqje që godet imoralitetin e një shtrese të lartë të shoqërisë dhe i përshtatet pothuajse secilit ambient pavarësisht ku do të shfaqej ajo

Regjisori i shfaqjes Gëzim Bucolli ka thënë se është kjo një shfaqje komedi, bazuar në një tekst klasik, por e modernizuar duke iu përshtatur kohës. Sipas tij, është një komedi e situatave, e karaktereve, e intrigave.

Kurse drejtori i përgjithshëm i teatrit, Ali Demi ka thënë se brenda pak ditësh do të jenë gati dy premiera, njëra prej të cilave “Hajnat”, veç do të jepet premierë këtë të hëne dhe se sipas tij, pret të jetë interesante, e pëlqyeshme dhe e kapshme për publikun./rajonipress/