Gola nga Hasani, Rexhepi e Fejzullahu
Shpëtim Hasani, Dardan Rexhepi e Erton Fejzullahu kanë realizuar gola në xhiron e pestë të ‘Allsvenskan’ ligës suedeze të futbollit. Për Hasanin, ky ishte goli i katërt nga pesë ndeshje të zhvilluara.
Sulmuesi i Përfaqësueses së Kosovës, Shpëtim Hasani, ka vazhduar me formë të shkëlqyer me skuadrën e tij Orebro.
Shpëtimi ka gjetur përsëri rrugën e golit, kësaj here duke shënuar në barazimin 2:2 të Orebros në udhëtm ndaj Brommapojkarna.
Hasani realizoi golin e parë të skuadrës së tij në minutën e 30-të të sfidës, teksa ishte bashkëvendësi i tij, Dardan Rexhepi, ai i cili ia preshi festën Orebros.
Dardani realizoi gol në minutën e fundit të kohës shtesë nga pika e bardhë e penalltisë.
Për Hasanin, ky ishte goli i katërt për kosovarin në pesë paraqitje për Orebron në këtë fillim-stinor në Suedi.
Gol në ndeshjet e xhiros së pestë në ‘Allsvenskan’ realizoi edhe sulmuesi tjetër kosovar, Erton Fejzullahu.
Ky i fundit shënoi golin e dytë të Djurgardenit në barazimin 2:2 në udhëtim ndaj Malmos.