Goditet bixhozi i paligjshëm dhe skemat piramidale, të pranishme edhe vjedhjet e rënda

Gjilan – Prokuroria Themelore në Gjilan, me urdhër të prokurorit janë ndaluar tre (3) person për 48 orë dhe janë ngritur tre (3) aktakuza kundër katër (4) personave.

Prokuroria Themelore Gjilan:
Ndalimet e personave me urdhër të prokurorit:
Me urdhër të prokurorit është ndaluar për 48 orë, një (1) person për shkak të veprës penale “Organizimi i skemave piramidale dhe bixhozit të paligjshëm“ dhe dy (2)persona për shkak të veprës penale Kultivimi i bimës së hashashit, shkurres së kokainës ose bimëve të kanabisit nga neni 272 i KPRK-së si dhe veprës penale “Mbajtja ne pronësi, kontroll ose posedim te paautorizuar te armeve” nga Neni 366 i KPK-së, për të cilët është kërkuar masa e paraburgimit .

Aktakuzat:
Prokuroria Themelore në Gjilan, ka ngritur tre (3) aktakuza kundër katër (4) personave, për këto vepra penale:
Një (1) aktakuzë kundër një (1) personi për veprën penale “Lajmërimi apo kallëzimi i rremë”.
Një (1) aktakuzë kundër dy (2) personave për veprën penale “Vjedhje e Rëndë”
Një (1) aktakuzë kundër një (1) personi për veprën penale “Mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare”./rajonipress/