Gjysmë milioni euro për 6 persona

Për pesë vjet, 6 anëtar të bordit të Korporatës Energjetike të Kosovës i kushtuan buxhetit të shtetit hiq më pak se 417 mijë euro.

Fadil Çitaku, kryesues, Mujë Rugova, Agim Nika, Izet Ibrahimi, Ismail Januzi e Flamur Keqa, anëtarë, nga viti 2009 deri në shtator të vitit 2013 kanë marrë afërsisht nga 1000 euro pagë mujore pa llogaritur bonuset.

Për këto të fundit janë kujdesur t’i marrin edhe sivjet, kur i kanë dhënë fund angazhimit të tyre në këto pozita. Ata që në muajin korrik i kanë pranuar pagesat në emër të bonuseve edhe pse viti kalendarik nuk ka përfunduar dhe nuk është bërë vlerësimi i performancës së Korporatës nga Qeveria e Kosovës.

Viti më i dobët, sa i përket të ardhurave për këta anëtarë të bordit, në bazë të listës së pagave që ka siguruar Gazeta Tribuna, shihet të ketë qenë viti 2009, gjatë të cilit në total kanë marrë 59 mijë euro.

Ndërkaq, më së shumti shihet se kanë fituar në vitin 2011, më saktësisht 120 mijë euro…(tribuna).