Gjykata e Apelit e kthen në rigjykim rastin e Bajrush Bunjakut

Gjilan – Avokati mbrojtës Shemsedin Pira tha se Apeli e ka kthyer në rigjykim lëndën për shkak se aktgjykimi shkallës së parë ka shkelje esenciale për çka gjatë gjithë mbrojtjes sime e kam theksuar edhe para trupit gjykues në Gjilan.

Gjykata e Apelit në Prishtinë, departamenti i krimeve të rënda ka aprovuar ankesën e avokatit mbrojtës dr. Shemsedin Pira, në lëndën e Bajrush Bunjakut i akuzuar dhe dënuar nga shkalla e parë për marrje ryshfeti.

“Po është e vërtetë se rasti i Bajrush Bunjakut është kthyer në rigjykim për shkak të shumë lëshimeve, e të metave esenciale, që e kanë përfshirë këtë proces gjyqësor” tha Pira për rajonipress.

Sipas Aktvendimit të Gjykatës së Apelit aktgjykimi i shkallës së parë është i përfshirë me shkelje esenciale të dispozitave të procedurës penale, meqë gjykata e shkallës së parë nuk i ka vlerësuar dhe arsyetuar të gjitha çështjet e rëndësishme dhe vendimtare të këtij rasti, duke mos ofruar sqarime të detajuara dhe të qarta. Këto shkelje konsiderohen esenciale sepse gjykata e shkallës së parë nuk e ka dhënë asnjë arsyetim për provat e mbrojtjes dhe nuk ka dhënë asnjë arsye për t`i vlerësuar ato të cilat janë çështje mjaft të rëndësishme. Ekzistojnë dy aktvendime për fillimin e hetimeve, derisa është e paqartë se cili aktvendim është marrë si i vlefshëm nga ana e Gjykatës thuhet në arsyetimin e Apelit./rajonipress/