Gjilani me Strategji të re për rininë

Gjilan – KVRL ka mbajtur të dielën aktivitetin e radhës mbi Hartimin e Strategjisë së Re 2013-2017.

Në ketë takim si pikë e parë është diskutuar plotësimi i numrit të anëtarëve të bordit me ç’rast u pajtuan mbi emrat e rinj të cilët do të marrin detyrën e re.

Poashtu pikë e rëndësishme është diskutuar edhe Hartimi i Strategjisë për Rininë e Gjilanit në të cilën u dhanë shumë propozime mbi pikat që duhet të përmbajnë kjo strategji.

Kryetarja Eranda Isufi tha se në këtë strategji do të ketë aktivitete të shumta në të cilat do të përfshihen shumë të rinj nga qyteti ndërsa nënkryetari Fatlum Zeneli theksoi se përveç aktiviteteve rendësi të veçante në këtë strategji do tu kushtohet dhe personave me nevoja të veçanta dhe angazhimit të tyre në aktivitetet përkatëse.

Gjithashtu sot Kryetari i GURSU (Komuna në kuadër të qytetit të Burses), Orhan Ozcu u prit në vizitë nga udhëheqësit e KVRL-se ku u arrit marrëveshje bashkëpunimi në të ardhmen e afërt./rajonipress/