Gjilani – Drita ose ballafaqimi i jetës

‘Digjitalb Kupa’ na rikthen emocionet e derbit drithërues ndërmjet Gjilanit e Dritës. Rivalët lokal do të luajnë sot ballafaqimin e jetës, në duelin i cili vlen më shumë se një çerekfinale. Gjithçka është gati, fusha e stadiumit është në gjendje perfekte derisa të dy grupet, si zakonisht, kanë premtuar spektakël në tribuna. Në lindje do të jenë ‘Intelektualët’ e Dritës ndërsa në perëndim, ashtu sipas shortit, ‘Skifterët’ e Gjilanit.

Drita shihet favorite për këtë takim, duke u nisur nga fakti që është pjesë e Superligës.

Por, siç thonë edhe futbollistët e trajnerët, në derbi të tillë s’ka favoritë, ndaj fërkoni duart dhe bëhuni gati për këtë derbi të ‘çmendur’. Muharrem Sahiti beson shumë në skuadrën e tij. Ai thotë që s’ka nevojë t’i motivojë futbollistët, pasi që një gjë të tillë e bënë vet atmosfera në derbi.

“Qoftë në kampionat, qoftë në kupë – rëndësia e derbit është e njëjtë. Jemi përgatitur maksimalisht për këtë duel. Futbollistët s’kam pasur nevojë t’i motivojë pasi që ata motivohen vetëm duke parë animin e mrekullueshëm të dy tifozerive”, u shpreh ai për gazetën Arena.

Sahiti ka punuar mjaft që ta mbajë skuadrën të qetë dhe maksimalisht të përqendruar…(Tribuna – Arena).