Gjiganti spanjoll nuk e harron Vedat Muriqin, zbulohet klauzola që ka sulmuesi kosovar te Mallorca

Vedat Muriqi vazdon të mbetet në listën e dëshirave të skuadrës së madhe spanjolle Sevilla.

Sulmuesi kosovar është një nga qendërsulmuesit më të vlerësuar në La Liga dhe Sevilla e ka atë në listën e dëshirave për afatin kalimtar dimërorë.

29-vjeçari këtë edicion ka shënuar katër gola dhe ka asistuar në dy të tjerë në 11 ndeshje në La Liga, teksa pëlqehet shumë nga klubi andaluzian.

Sevilla synon transferimin e prizrenasit në janar, por problem po mbetet një klauzolë largimi që ka Muriqi nga Mallorca.

Mediat e ndryshme në Spanjë kanë raportuar se Muriqi ka një klauzolë largimi nga Mallorca prej 30 milionë eurove, shumë që po konsiderohet e lartë nga Sevilla që po kalon nëpër një krizë financiare.

Klubi andaluzian pritet ta shes Youssef En-Nesyrin dhe zëvendësuesi i marokenit shihet Vedat Muriqi.

Trajneri i Sevillës, Diego Alonso preferon një lojë me topa të gjatë dhe Muriqi është lojtari që shihet që do t’i zgjidh problemet në repartin ofensivë.

Reprezentuesi kosovar është lojtari kryesor në skuadrën e tij dhe duket shumë e vështirë që Mallorca ta lejoj largimin e tij. /Telegrafi