Gjeniu 9 vjeçar konkurron sërish në universitet

Maximilian Janisch nga rrethina e Lucernit, ka konkurruar të regjistrohet në Universitetin e Cyrihut.

Pas refuzimit nga universiteti ETH Zürich, prindërit e gjeniut 9 vjeçar të matematikës, Maximilian Janisch nga rrethina e Lucernit, po provojnë ta regjistrojnë të birin në Universitetin e Cyrihut.

“Maximiliani është ndarë i zhgënjyer nga refuzimi që i ka bërë ETH. Në marrëveshje me të, ne prindërit e tij e kemi paraqitur atë për regjistrim në Universitetin e Cyrihut”, thotë babai i tij Thomas Drisch për “SonntagsZeitung”. Në shkresën që Drisch i ka dërguar më 27 qershor rektorit të Universitetit të Cyrihut, Andreas Fischer, ka shtruar kërkesën që i biri të regjistrohet në Fakultetin e Matematikës për drejtimin “Bachelor of Science in Mathematics”.

Para një muaji Maximiliani 9 vjeçar ka mbaruar maturën e matematikës me notat më të larta.

Në rast se as Universiteti i Cyrihut nuk e pranon atë në studime, babai i Maxit a një plan emergjent: pasi që ai vet është profesor i matematikës, do të jetë vetë ai që do t`i ligjërojë të birit.