Gashi i pavendosur për të ardhmen

Ardian Gashi ende nuk ka vendosur për të ardhmen. Reprezentuesi i Kosovës ka kontratë me Helsingborgun deri në fund të këtij viti.

Ardian Gashi ka gjasa që t’i thotë lamtumirë Helsingborgut në fund të këtij viti, atëherë edhe kur i skadon kontrata me klubin suedez. Reprezentuesi i Kosovës ende nuk ka vendosur se çarë do të bëjë në të ardhmen

“Klubi ka pasur vështirësi financiare, dhe nëse e kam kuptuar drejtë klubi ka thënë se do të marr në konsideratë ofertat që vijnë për lojtarët për t’i zgjedhur problemet. Më shumë se kaq asnjëherë nuk kam dëgjuar”, ka deklaruar Gashi për Evening Post.

“Tani për tani jam i përqendruar për ta përfunduar kontratën këtu në Helsingborg. Kurse, çfarë do të bëjë më tej ende nuk e kam menduar”, ka theksuar kosovari me pasaportë norvegjeze .

Gashi është transferuar te Helsingborg në vitin 2010 nga ekipi norvegjez Fredrikstad. 32 vjeçari me prejardhje nga Gjakova, me ekipin suedez ka fituar titullin e kampionit të Suedisë (2011), dy Kupa (2010 dhe 2011) dhe dy Superkupa (2011 dhe 2012).