Galip Beqiri uron qytetarët e Kosovës

Me rastin e shënimit të 6-vjetorit të shpalljes së pavarësisë së Republikës së Kosovës Këshilli Kombëtar Shqiptar iu uron të gjithë shqiptarëve këtë përvjetor, duke iu uruar shëndet dhe prosperitet.

Për gjithë këto vite, të shumta kanë qenë zhvillimet politike, si në Republikën e Kosovës ashtu edhe në hapësirat mbarë shqiptare. Kosova, në gjashtë vite shtet, ka dëshmuar për shtet-ndërtimin dhe institucione stabile përmes proceseve demokratike.

Gjithashtu, ka ndërtuar standarde të larta në respektimin dhe realizimin e të drejtave të njeriut e në veçanti të të drejtave të pakicave. KKSH inkurajon të gjitha palët e përfshira në këtë proces për një shtrirje më të gjerë të demokratizimit të shoqërive, përkatësisht vendosjes së standardeve unike për gjitha vendet e Ballkanit sa i përket të drejtave të pakicave.

KKSH mbetet e përkushtuar për të mbështetur përparimet e shtetit të Kosovës drejt integrimit të plotë euro-atlantik, sepse vetëm përmes integrimit në këto struktura shqiptarët mund ti realizojnë synimet e tyre. Andaj urime thuhet në urimin e Galip Beqirit./rajonipress/