Fundi ishte fatal për Gjilanin

Gjilan – Në një fund fatal, Gjilani ka pësuar gara në ndeshjen për kupë, në ballafaqim me rivalin lokal Drita, e cila u gjet më mirë në atmosferën e zjarrtë që ka krijuar tifozëria e të dy ekipeve. Në njërën anë kanë dominuar ngjyrat bardhë e kaltër e në tjetrën kuq e bardhë e të dy anët ishin të mbushura përplot nga adhuruesit “intelektualët” e “Skifterat”.

Shënues: Ve. Sermaxhaj 45’ – Limani 65’, Berisha 87’ – Gashi 90’. Gjilani – Drita 1:3

Stadiumi i Qytetit në Gjilan. Shikues: 7000. Gjyqtarë: A. Tahiri – F. Tahiri – B. Morina – D. Preniqi. Shënues: Ve. Sermaxhaj 45’ – Limani 65’, Berisha 87’ – Gashi 90’.

Gjilani: Gagica, Hyseni, Kastrati, Arifi, Shala, Morina, Maliqi (Haliti), Vi. Sermaxhaj, Mustafa, Ve. Sermaxhaj, Gashi. Trajner: Muharrem Sahiti.

Drita: Latifi, Limani, Hasani, Thaçi (Tosuni), Syla, Berisha, B. Shabani, Xh. Shabani, Ramushi, Kelmendi (Jashari), Berbatovci (Gashi). Trajner: Arbnor Morina.

Në një fund fatal, Gjilani ka pësuar gara në ndeshjen për kupë, në ballafaqim me rivalin lokal Drita, e cila u gjet më mirë në atmosferën e zjarrtë që ka krijuar tifozëria e të dy ekipeve. Në njërën anë kanë dominuar ngjyrat bardhë e kaltër e në tjetrën kuq e bardhë e të dy anët ishin të mbushura përplot nga adhuruesit “intelektualët” e “Skifterat”.

Gjilani arriti një baraspeshë në pjesën e parë, kurse pak para fishkëllimës së fundit të gjyqtarit, ka qenë Venhar Sermaxhaj që nga afërsia ka tundur rrjetën e Latifit.
Në pjesën e dytë Drita është treguar më e përgatitur, mbase për këtë ata kishin qenë edhe në Bursa të Turqisë. Në minutën 65, pas një gjuajtje nga këndi, i riu Limani ka qëlluar me kokë këndin e epërm të Gagicës.

Tre minuta para se ndeshja të marrë fund, Berisha u gjet më së miri në tollovinë e krijuar në brendi të zonës së Gjilanit dhe topin e dëbuar e dërgoi në rrjetë, derisa në minutën e fund, kur Gjilani i tëri ishte hedhur në sulm, zëvendësuesi Gashi tërë punën e bëri vetë dhe në fund përballë Gagicës arriti t’a mposht atë./rajonipress/