Fshati Malishevë nderon me Mirënjohje gjeneralin Reshat Maliqi

Gjilan – Me rastin e 23 vjetorit të lirimit nga burgu famëkeq i Serbisë Këshilli i Fshatit e nderoi me mirënjohje Gjeneral Reshat Maliqin për kontributin e dhënë në fshat dhe në çështjen kombëtare. Reshat Maliqi është njëri nga figurat më të çmuara dhe të pastërta në hierarkinë e Policisë së Kosovës dhe njëri nga kuadrot më të dëshmuara në ngritjen profesionale të kuadrove të reja të policisë.

Latif Maliqi kryetar i Këshillit të fshatit Malishevë i ka ndarë mirënjohjen Reshat Maliqit me motivin se ai është një nga figurat e rëndësishme, që ka dhënë kontribut të jashtëzakonshëm në afirmimin e vlerave profesionale e kombëtare.

“Me rastin e 23 vjetorit të lirimit nga burgu famëkeq i Serbisë sot Këshilli i Fshatit e nderoi me mirënjohje Gjeneral Reshat Maliqin për kontributin e dhënë në fshat dhe në çështjen kombëtare. Ne si këshill jemi të përkushtuar ti nderojmë çdo figurë emblematike të fshatit sepse këta janë promotor e të gjitha arritjeve në fshatin tonë” ka shkruar Latif Maliqi.

Ndryshe, Reshat Maliqi është njëri nga figurat më të çmuara dhe të pastërta në hierarkinë e Policisë së Kosovës dhe njëri nga kuadrot më të dëshmuara në ngritjen profesionale të kuadrove të reja të policisë.

Reshat Maliqi ishte komandant rajonal në Gjilan dhe me shumë kompetencë e përgjegjësi e ka kryer këtë detyrë duke u avancuar pastaj në Prishtinë ku kontributi i tij është i pamohueshëm./rajonipress/