Fondi Humanitar i Kosovës Lindore ndanë 100 bursa

Zurich- Në kuadër të 100 vjetorit të shpalljes së pavarësisë të shtetit të parë shqiptar-Shqipërisë dhe 15- vjetorit të themelimit dhe funksionimit me sukses të fondit humanitar në Zvicër, kryesia e Fondi Humanitar i Kosovës Lindore Preshevë , Bujanoc dhe Medvegjë me seli në Zurich ka vendosur të ndajë bursa me rastin e 100-vjetorit të pavarësisë së Shqipërisë për 100 studentë nga Lugina e Preshevës, njofton “Presheva Jonë”.

Sipas konkursit të shpallur kushtet dhe kriteret për të përfituar bursën janë :
-Të jetë student i rregullt për vitin akademik 2012/2013.
-Këtë duhet ta dëshmojë me fotokopjen e indeksit dhe vërtetimin nga fakulteti ku studion.
Konkursi mbetet i hapur deri më 10.11.2012 që nga dita e shpalljes.

Lutjet me dokumentet përkatëse paraqiten nëpërmjet email: [email protected] apo nëpërmjet anëtarëve te kryesisë.

Tërheqja e të hollave bëhet personalisht nga studenti-tja,me 24.11.2012, në Shtëpinë e Kulturës „Abdulla Krashnica“ në Preshevë, pas përfundimit të programit të paraparë për këtë manifestim që fillon në ora 11:00.

Studenti i cili e fiton të drejtën në 100.-CHF do të njoftohet deri më 20.11.2012 përmes faqes së internetit të fondit www.fondihumanitar.ch.

Studenti konkurrues i cili nuk vjen me i tërheqë të hollat nuk ka të drejtë të kërkojë dorëzimin e tyre tjetër herë.