Fletëza
Në të gjitha gjuhët e botës
dashuria i ka duart e buta
përqafimin e ka të zjarrtë
dhe puthjen e ka të ëmbël
Çdo dashuri e ka të bukurën
farë e saj s´na lë të shuhemi
dashuria i flet gjitha gjuhët
betejat i bën edhe mbi bari
Kjo gjuhë e bukur e zemrës
e shpërndarë tek gjithsecili
brenda e ka prejardhjen tonë
lulet me zambak dhe dafina
Në të gjitha gjuhët e botës
dashuria është e vetmja liri
foshnja e vetme e kraharorit
që i lidhë zemrat me zemër!..
Rrustem Geci – Dortmund