Fiorentina e do Xhakën

Taulant Xhaka mund të transferohet gjatë verës në Itali te Fiorentina, kështu shkruan e përditshmja italiane Gazzetta Dello Sport.

Mbrojtësi i Kombëtares shqiptare, Taulant Xhaka, duket se po luan sezonin e fundit te Baseli. E përditshmja italiane, Gazzetta Dello Sport, në një artikull të publikuar gjatë ditës së sotme, shkruan se Fiorentina është shumë e interesuar për mbrojtësin shqiptar.

Gjithmonë sipas Gazzettës e mirinformuar nga burimet e saj në klubin vjollcë, skuadra nga Firenze do të lejojë largimin e brazilianit Gilberto pasi për të përforcuar krahun e djathtë dhe me çdo kusht e dëshiron Taulant Xhakën, dëshirë kjo e trajnerit Paulo Soza që e njeh shumë mirë shqiptarin që nga kohët e Baselit. /Express/