Fillon realizimi i projektit “Kujdesi për nëna dhe fëmijë” edhe në Komunën e Kamenicës

Kamenicë – Para personelit shëndetësor të Komunës së Kamenicës u lansua projekti: “Kujdesi për nëna dhe fëmijë” i cili realizohet në bashkëpunim me Ministrinë e Shëndetësisë dhe në përkrahje të UNICEF-it.

Me fjalë rasti u paraqitën: kryetari i komunës, Qëndron Kastrati, drejtori i Shëndetësisë, Dritan Maliqi, drejtori i QKMF-së, Rabit Dërmaku, zv. ministri i Ministrisë së Shëndetësisë, Granit Avdullahu, zëvendës shefi i zyrës së UNICE-fit, James Mugaju dhe znj.Fetije Huruglica.

Të gjithë folën për rëndësinë e realizimit të këtij projekti që është një prioritet strategjik i ministrisë në fjalë, duke ofruar qasje për tu mbrojtur dhe përmirësuar gjendjen shëndetësore të nënës dhe fëmijës.

Komuna në përkrahje të plotë të kryetarit Kastrati dhe në gatishmërinë, kapacitetet e stafit shëndetësorë do ta realizoj me sukses të plotë këtë projekt.

Qëllimi i vizitave në shtëpi e ofron sistemin shëndetësor sa më afër qytetarit dhe shton besimin në të./rajonipress/