Hidromorava

Qytetarët ironizojnë me debatet për dëgjimet buxhetore: Ku janë more populli, më shumë zyrtar se qytetar

/ 2 minuta lexim
ARKATANA

Kamenicë – Komuna e Kamenicës ka vazhduar dëgjimet buxhetore me OJQ-të dhe Klubet sportive si dhe në fshatrat Dajkoc e Muçiverc. Por qytetarët duke parë që pjesëmarrja është e vogël kanë ironizuar me pyetjen “Ku janë more populli, më shumë zyrtar se qytetar nëpër debate”.

Ndryshe Drejtoria për Buxhet dhe Financa ka filluar me mbajtjen e dëgjimeve buxhetore, dhe dëgjimet e radhës janë ato të mbajtura me OJQ dhe Klube sportive si dhe në fshatrat Dajkoc e Muçiverc.

Të pranishëm në këtë dëgjim buxhetor ishin: drejtorët Ardita Dërmaku, Behar Hyseni, Uran Berisha e Blerim Murina si dhe Zyrtari Kryesor Financiar Naser Hashani.

Këto dëgjime po mbahen për të dëgjuar nga afër kërkesat e qytetarëve, për të hartuar listën e projekteve të cilat do të realizohen në vitin 2025.

Mobi Casa

Drejtoresha Dërmaku ka prezantuar buxhetin për vitin 2025, si dhe ka specifikuar shumën e ndarë për investime kapitale.

Dëgjimet buxhetore do të vazhdojnë të mbahen edhe në lokalitetet e tjera të Komunës së Kamenicës.

Robert Murseli qytetar nga Kamenica ka shkruar në facebookin e komunës së Kamenicës: ”Ku janë more populli, ma shumë zyrtar se popull” ka ironizuar ai./rajonipress/