FFK injoron lojtarët e Dritës, reagon presidenti i klubit Valon Murseli

Presidenti i FC Dritës, Valon Murseli ka reaguar me anë të një postim në Facebook, në lidhje me ndarjen e çmimit “ylli i javës”, çmim të cilin e ndanë FFK-ja, pas përfundimit të çdo xhiroje në Superligën e Kosovës.

Në reagimin e Murselit, thuhet se është për t’u habitur se si asnjë lojtar i Dritës nuk e ka marrë këtë çmim për më shumë se një vit.

Postimi i plotë i presidentit të Dritës, Valon Murseli:

Më shumë se një vit sipas Federatës së futbollit të Kosovës FC DRITA nuk ka “yje” Është e papranueshme një qasje e tillë kaq tendencioze e zyrtarëve të FFK-së ndaj lojtarëve tanë. Kemi zhvilluar aq shumë ndeshje, shumë prej tyre ndeshje derbi ku rëndom në ligat më të forta ylli i javës nxirret nga ndeshjet derbi dhe zyrtarët e FFK-së nuk kanë “yje” për ti dhënë lojtarëve të FC DRITA. Po e shohim të rrugës që ti lirojmë nga presioni ata”zyrtarë” të FFK-së që tash e tutje ashtu siq nuk i kanë konsideruar asnjëherë lojtarët tanë, mos ti konsiderojnë as në vazhdim të kampionatit sepse “ylli juaj” nuk i bënë as më shumë e as më pak yje lojtarët tanë. Ata janë YJE në momentin që bartin fanellën e DRITËS.