Fermer e biznesmen nga Artana trajnohen për standardet e ushqimit dhe produkteve

Gjilan – Në kuadër të implementimit të projektit “Qendra Regjionale e Marketingut-Lindje” nga GLV Rural+ në partneritet me Komunën e Gjilanit dhe i financuar nga Zyra e Bashkimit Europian në Kosovë si dhe në bashkimplementim me GLV “Kalaja” Novobërdë është organizuar trajnimi për Standardet e Kualitetit të Ushqimit, Marketingun dhe Shitjen e produkteve.

Në këtë trajnim kanë marrë pjesë një numër i madh i fermerëve, bizneseve duke përfshi edhe prodhuesit dhe përpunuesit nga komuna e Novobërdës.

Trajnim i njëjtë është mbajtur edhe në Kamenicë ku kanë marrë pjesë qytetarët e komunitetit serb nga komuna e Artanës.

Zyrtarët komunal në Artanë po bëjnë përpjekje të vazhdueshme që të ngjallin interesimin për të vizituar Kalanë e cila ka pasuri të pashtershme kulturore./rajonipress/