Faullisti i Bundesligës

Valon Behrami ka lënë menjëherë gjurmë në futbollin gjerman. Mesfushori kosovar njihet si një futbollist luftarak, dhe për këtë e admirojnë shumë trajnerë.

Me t’u transferuar në Hamburg nga Napoli, gjatë verës së këtij viti, përfaqësuesi zviceran ka filluar të shquhet. Në bazë të statistikave të nxjerra pas përfundimit të pjesës së parë të sezonit në Bundesliga, del se mesfushori mitrovicas ka shkaktuar më së shumti faulle në stinorin vjeshtor në kampionatin gjerman.

Në fakt, 29-vjeçari ka shkaktuar 49 ndërhyrje të palejueshme. Lojtarët që e ndjekin Behramit, sipas “Kicker”, janë: Stefan Kiessling i Bayer Leverkusenit, me 48 faulle, Raul Bobadilla i Augsburgut me 46 dhe Pierre-Michel Lasogga i Hamburgut me 37.