FAK do të ketë shërbim sekret

Forcat e Armatosura të Kosovës pritet ta kenë njësinë e veçantë të inteligjencës e cila do të merret me grumbullimin e informatave për Ministrinë e Mbrojtjes.

Agim Çeku që aktualisht udhëheq Ministrinë e FSK’së, ka konfirmuar se formimi i shërbimeve inteligjente në FAK është ndër prioritetet e institucioneve që merren me themelimin e kësaj force, shkruan Tribuna.

Shërbimi sekret ushtarak, sipas tij, do ta ketë emrin “G2”, që është sinonimi i drejtorive të inteligjencës brenda ushtrive në shumë vende të botës.