Eurodeputeti Terras i zhgënjyer me dështimin e zgjedhjes së presidentit

Eurodeputeti Riho Terras e ka cilësuar si një “zhgënjim” dështimin e Kuvendit të Kosovës për të zgjedhur kreun e ri të shtetit, duke paralajmëruar një periudhë të re të pasigurisë politike.

Kuvendi i Kosovës ka dështuar të zgjedhë presidentin e ri të vendit, si pasojë e mungesës së kuorumit të nevojshëm për votim në seancën e së enjtes.

Përmes një postimi në rrjetin social X, eurodeputeti Riho Terras ka reaguar ndaj kësaj situate. Ai ka theksuar se ky është një hap prapa për stabilitetin e vendit.

“Kuvendi i Kosovës dështoi të zgjedhë presidentin. Është një pengesë serioze. Në vend të stabilitetit, vendi përballet me pasiguri të re politike. Vërtet zhgënjyese”, shkroi Terras.