ESBI kërkon shpërblim nga KEK-u
RajoniPress
08:03, 20 Maj, 2013
Po kërkojnë të shpërblehen me 3 milion euro për punën që e bënë në Kosovë para shtatë vitesh. Zyrtarët e kompanisë Irlandeze ESBI, e cila ka menaxhuar me Korporatën Energjetike të Kosovës gjatë periudhës 2004-2006 ua kanë dorëzuar edhe zyrtarisht institucioneve të Kosovës kërkesën për free-bonus.
Gazeta Tribuna mëson se lënda po shqyrtohet nga Dhoma e Veçantë e Gjykatës Supreme, ndërsa institucionet e Kosovës po shtyhen kujt t’ia bartin përgjegjësinë e pagesës.
Telashi qëndron tek kontrata, e cila është nënshkruar nga UNMIK-u dhe Agjencia e atëhershme e Mirëbesimit dhe ende nuk dihet saktë se kush është trashëgimtar i saj.
Njohësit e ekonomisë dhe energjetikës kërkojnë që ajo kompani të mos shpërblehet por të ndëshkohet për dëmet që i ka sjellë KEK-ut (Tribuna)
