Erjon Bogdani tek Reggina?

Bëhet gjithmonë e më e mundshme hipoteza e kalimit të Erjon Bogdanit te skuadra e Rexhinës. Sipas mediave italiane, rikthimi i 36-vjecarit në klubin nga Rexhio Kalabria është shumë pranë.

Skuadra e Rexhinës, e cila aktualisht militon në Serinë B, kërkon të shfrytëzojë përfundimin e kontratës së futbollistit me skuadrën e Sienës, me të cilën Bogdani luajti një sezon më parë. Për më tepër Bogdani pëlqehet sepse e njeh ambjentin, meqënëse ka luajtur dhe në të kaluarën me këtë skuadër, transmeton supersport.al.

36-vjecari e ka veshur fanellën e skuadrës nga Rexhio Kalabria tre sezone, kur ajo militonte në Serinë më të lartë të futbollit në Itali, më ekzaktësisht nga viti 2000 deri në vitin 2003, periudhë në të cilën ai luajti 67 ndeshe në total, duke shënuar dhe 11 gola.

Rexhina për më tepër dhe për vetë sulmuesin është një ambjent I mirë për të vazhduar karrierën sepse gjithsesi do të jetë pjesë e një kampionati shumë të fortë sic është Seria B. gjatë javës u fol gjithashtu se për Bogdanin ishin të interesuara dhe skuadrat, e Peskarës e Varezes.