Gjilan – Në të shumtën e rasteve është thënë se dita e mirë shihet në mëngjes, e një gjë e tillë vlen për futbollistin Endi Sopi. Bjondi nga Gjilani edhe pse në moshë të re, tani e shtatë vite asnjëherë nuk ju nda topit “maxhik” të futbollit duke dëshmuar se ky futbollist ka një talent të jashtëzakonshëm në fushën e gjelbërt të futbollit.
Majtaku Endi i dashuruar pas futbollit, ka një synim të madh në karrierën e tij futbollistike. “Futbolli është një pjesë e imja e jetës, të merresh me futboll është kënaqësi e jashtëzakonshme tani e 7 vite asnjëherë nuk ju kam ndarë kësaj loje maxhike, gjerë më tani jam shumë i kënaqur me atë se çka kam arritur”, shprehet 13 vjeqari Endi Sopi.
Flokëverdhi Endi Sopi përpos që është nxënës shembullor, ai është edhe futbollist që shumë bashkëfutbollist i kanë lakmi për paraqitjet e tij në fushën e futbollit.
“Jam shumë i kënaqur me rrethin ku stërvitem për çdo ditë bëhet punë profesionale, ndërsa nga shkolla e jonë e futbollit gjithmonë kanë dalur talent të mëdhenj të futbollit, të cilët sot kanë emra si në futbollin e Kosovës një ashtu edhe jashtë sajë”, thekson majtaku Sopi.
Këtë djalosh e karakterizon nuhatjen të cilën ka për gol si dhe gjuajtjet precize dhe të fortë. “Shënimi i golit në portën kundërshtare për mua është festë, atë e përjetoj në mënyrën time sa më afër portës kundërshtare aq më i sigurt jam në ndeshje, ndërsa aspiratat e mija në të ardhmen janë që t`i bashkëngjitëm ndonjë Akademie të madhe të futbollit evropian për t`i sprovuar forcat e mija”, tregon talenti Sopi.
Për një talent të futbollit çfarë është Endi, fjalë të mëdha kanë edhe dy trajnerët e shkollës të futbollit “Shkëndija” Selim Muja e Veton Xhemajli.
“Kemi të bëjmë me një futbollistë të jashtëzakonshëm, është një sulmues i shkëlqyer ka nuhatje për gol, është futbollist mjaft i disiplinuar, i cili i zbaton detyrat e marrura nga trajneri, Endi jam shumë i bindur ka një ardhmëri të ndritshme të futbollistit”./rajonipress
