Elbasan Rashani gjen golin e parë në Spanjë dhe i sjell fitoren Elches
RajoniPress
22:49, 20 Tetor, 2024
| 8 muaj më parë
Sulmuesi Elbasan Rashani e ka shënuar golin e tij të parë me Elchen në La Liga 2.
Rashani realizoi gol në fitoren 2-1 të Elches ndaj Gijonit në ndeshjen që i takoi xhiros së dhjetë.
Sulmuesi në lojë u inkuadrua në minutën e 58-të, ndërsa tetë minuta më pas e realizoi golin e fitores për Elchen.
Reprezentuesi i Kosovës u transferua në afatin kalimtar të verës te Elche nga klubi francez Clermont si futbollist i lirë.
Për Rashanin kjo ishte ndeshja e dytë e zhvilluar këtë edicion. /Telegrafi/
