Edon Zhegrova kontribuon me dy asistime në fitoren e Lille ndaj Monacos

/ 1 minutë lexim
RCCOLA

Lille ka regjistruar fitoren e radhës në Ligue 1, në të cilën merita të mëdha ka edhe Edon Zhegrova.

Reprezentuesi i Kosovës kontribuoi me dy asistime në fitoren 2:0 ndaj Monacos. Kjo ndeshje i takoi javës së dhjetë dhe u zhvillua në stadiumin “Pierre-Mauroy”, shkruan Gazeta Express.

Zhegrova fillimisht asistoi për Ivan Cavaleiron, që shënoi në minutën e 32-të.

Kurse, 10 minuta më pas, Bafote Diakite realizoi pas asistimit tjetër të 24-vjeçarit.

RCCOLA

Sulmuesi dardan në këtë ndeshje luajti për 72 minuta.

Edon Zhegrova tani numëron tre asistime në elitën e futbollit francez, krahas një gole.

Ndryshe, Lille pas kësaj fitore ka 18 pikë dhe renditet në pozitën e katërt në tabelë. /Gazeta Express.