Edon Shkodra inxhinieri dhe profesionisti që kujdeset për infrastrukturën në Qytetin e Gjilanit

Gjilan – Edon Shkodra me profesion është inxhinier dhe ka një biografi të pasur në karrierën e tij prej eksperti. Shkodrën mund ta takosh kudo në qytet dhe në teren sepse është i palodhshëm dhe punën e bënë me ndershmëri dhe korrektësi. Thotë se në Gjilan qysh nga paslufta investimet në infrastrukturë kanë qen të shumta mirëpo jo në projekte konkrete si: Autostradë, rrugë regjionale, apo edhe në infrastrukturën e brendshme të qytetit!

Edon Shkodra tha për rajonipress se infrastruktura në Gjilan në 60% e aktualitetit të sotëm është ndërtim jo modern dhe thuajse vetëm 40% thuajse në tërë territorin e Gjilanit kemi një përmirësim të dukshëm në cilësi dhe kualitet!

“Unë si Inxhinier jam i angazhuar tek kompania “El-BAU”, dhe aty e gjej veten mjaft mirë si profesionist, ku edhe kemi një kolektiv të mrekullueshëm, duke filluar nga Drejtori i Kompanisë, e deri tek punëtori më i thjesht, ku kemi kapacitete profesionale dhe teknike për Menaxhimin, ndërtimin dhe mirëmbajtjen e rrugëve si ato lokale dhe ato regjionale”.

Edon Shkodra pothuajse kujdeset për të gjitha detajet e projekteve që lidhen me infrastrukturën në qytetin e Gjilanit dhe është i përkushtuar dhe i ndërgjegjshëm në punët që i kryen.

“Punojë me pasion e dashuri sepse vetëm kështu mund të jemi të drejtë ndaj vetës dhe pastaj edhe ndaj të tjerëve. Mundohem që çdo punë që ka të bëjë me investimet në qytet të bëhet mirë e bukur” tha Shkodra.

Ndryshe, Edon Shkodra ka punuar në shumë kompani dhe ka udhëhequr, projektuar, e realizuar shumë projekte delikate dhe të dobishme për Gjilanin. /rajonipress/.