Edhe një shqiptar në Serie A
RajoniPress
15:40, 10 Janar, 2015
Një tjetër futbollist i Kombëtares shqiptare mund të transferohet në Serie A. Po flasim për Armando Vajushin, mesfushorin me tipare sulmuese, i cili ka pranuar për “Panorama Sport”, se ka marrë një ofertë konkrete nga Udinese, Chievo dhe Atalanta.
Nga sa mësohet, shkodrani prej dy ditësh ndodhet në Itali bashkë me menaxherin e tij, për të negociuar për një transferim të mundshëm në ekipet e Serie A.
Klubi i Litex Lovech, ku Vajushi është nën kontratë, kërkon së paku 2 milionë euro për ta lënë të lirë futbollistin 23-vjeçar.
