Benjamin Kololli largohet nga Baseli, bëhet me skuadër të re

Futbollisti i Kombëtares së Kosovës, Benjamin Kololli është afër të largohet nga Baseli gjatë afatit të janarit.

Mediat në Zvicër raportojnë se tashmë lojtari kosovar ka gjetur edhe klubin e ri dhe në momentin kur hapet afati, do t’i bashkohet Sionit, shkruan Indeksonline

Kololli ka kontratë me Baselin deri në vitin 2025, por për shkak të minutazhit do të largohet nga skuadra më e mirë në historinë e futbollit zvicran.

Lojtari ka zhvilluar vetëm katër ndeshje me Baselin këtë edicion dhe ka shënuar një gol.

Ai e njeh shumë mirë Sionin, pasi ka luajtur në grupmoshat e reja dhe të ekipit të parë për më shumë se 7 vjet.

Kololli gjatë karrierës së tij, ka luajtur edhe për skuadrat, si: Monthey, Le Mont LS, Young Boys, Lausanne-Sport, Zurich dhe Shimizu S-Pulse./Indeksonline/