Edhe nëndega e Kishnapoles përkrah kthimin e Qemajl Mustafës në krye të PDK-së

Gjilan – Ramadan Azemi është kryetar i nëndegës së PDK-së në Kishnapole dhe thotë se është i interesuar maksimalisht dhe e përkrah pa rezervë kthimin e Qemajl Mustafës në krye të PDK-së në Gjilan.

Po vazhdon përkrahja e madhe e nëndegëve, aktivistëve dhe qytetarëve të shumtë që Qemajl Mustafa të kthehet në krye të degës së PDK-së në Gjilan.

Ramadan Azemi është kryetar i nëndegës në Kishnapole dhe është i bindur se kthimi i Qemajl Mustafës do ta ngjallte PDK. “Si kryetar i nëndegës së Kishnapoles jam shumë i interesuar dhe pa rezervë e përkrahi kthimin e Qemajl Mustafës në krye të PDK-së dhe të Komunës së Gjilanit. Qemajl Mustafa ka lënë gjurmë të mira, ka përkrahur qytetarin e thjeshtë, punëtorin e mirë dhe ka ndihmuar të gjitha kategoritë. Mijëra qytetar i ka pritur në zyrën e tij dhe është treguar shumë komunikues me publikun” tha Azemi.

Ramadan Azemi tha se kthimi i Qemajl Mustafës në krye të PDK-së do ta ngjall partinë. “Po mendoj që kryesia e tanishme ka bërë shumë pak për ta ngritur PDK, atje ku e ka vendin dhe ka qen mjaft pasive” tha Azemi./rajonipress/