Edhe Kadriu i “Vatrës” shpreson në fitore

Gjilan – Sejdullah Kadriu tha se lista e Vatrës përbën një ekip fitues dhe se nuk ka dyshim se do të jetë fituese e këtyre zgjedhjeve në Gjilan.

Lëvizja Vatra e Gjilanit ka promovuar të enjten kandidatin e saj për kryetar Sejdullah Kadriu, i cili njëherësh do t’i prijë edhe listës së kandidatëve për këshilltarë komunal, një listë prej 38 emrash.

Kadriu tha se lista e Vatrës përbën një ekip fitues dhe se nuk ka dyshim se do të jetë fituese e këtyre zgjedhjeve në Gjilan.

Sipas tij, në listën konkurruese të Vatrës janë njerëz të tillë që e sigurojnë fitoren.

“I kemi parë edhe të tjerë dhe nuk kanë ku ta di se çfarë emrash në lista e tyre, ndërsa e jona është listë fituese”, ka thënë Kadriu, i cili ka vlerësuar se si Lëvizje e re kanë të veçanta dhe do t’i lënë të hamendur të tjerët kur edhe do të korrin fitore me 3 nëntor mendon Kadriu.

Sipas tij, në listën garuese nuk ka vetëm kandidat me prejardhje nga komunat e Kosovës Lindore, por edhe nga qyteti dhe rrethina andaj pret të ketë vota nga të gjitha anët që do e bëjnë Lëvizjen Vatra fitimtare.

Edhe Fatmir Arifi tha se për Lëvizjen Vatra ky rajon duhet të jetë qendër e zhvillimit ekonomik, andaj i kanë hyrë garës për ta ndryshuar mendësinë e tanishme politike që ekziston e që e ka dëmtuar këtë rajon bukur shumë.

Arifi tha se Vatra do të jetë pjesë e Kuvendit Komunal.

Lista garuese e Lëvizjes Vatra përbëhet nga këta kandidatë Sejdullah Kadriu, Reshat Ajvazi, Adile Jakupi, Osman Ramadani, Adnan Mustafa, Dafina Ramizi, Behxhet Muslija, Bleri Halimi, Meritë Sejdiu, Gani Krasniqi, Remzush Demi, , Florije Xhemaili, Naser Aliti, Shaban Emini, Labinota Devaja – Ramadani, Shejnaze Gagica, Fatmir Jakupi, Gentiana Shabani, Alban Rashiti, Ibrahim Maliqi, Zejnepe Ramizi, Rexhep Ibrahimi, Ardian Bunjaku, Kadime Berisha, Arbënor Veliu, Mefail Tosuni, Shqiponjë Hoti, Arton Haziri, Ismailaki Sadiki, Saranda Krasniqi, Sevdail Fejzullahu, Bashkim Tosuni, Rejhane Rexhepi, Naser Xhemaili, Rejhan Rrahmani, Arlinda Sylejmani, Arton Fetahu, Kushtrim Kadriu./rajonipress/