E kërcënonte përmes telefonit një vitias – pranga prizrenasit

Gjilan – I. E. (1959) me banim nga fshati Ramjan komuna e Vitisë, ka paraqitur rastin në stacionin policor të Vitisë se ai përmes thirrjeve dhe mesazheve telefonike për rreth 5 muaj rresht ishte i kërcënuar dhe shantazhuar nga një person i dyshimtë i cili kërkonte nga ai para në vlerë prej 1000 euro, ose në të kundërt ati do t`i ndodhe diçka e keqe.

Ismet Hashani zëdhënës i policisë tha se njësiti i hetimeve pas një pune mirë të organizuar operative kanë arritur që ta lokalizojnë të dyshimtin A. O. 26 vjeç me banim në fshatin Randobravë komuna Prizren.

I dyshimti është arrestuar nga policia dhe është sjell në lokalet e stacionit policor të Vitisë ku është intervistuar.

Gjatë intervistimit dhe kontrolleve që i janë bërë telefonit të tij janë gjet dëshmi të bazuara se i dyshimti është i involvuar në këtë rast.

Me urdhër te prokurorit të prokurorisë së krimeve të përgjithshme rasti dërgohet në prokurori në procedurë të rregullt tha Hashani./rajonipress/