Duka tregon objektivat: Në Francë shkojmë për t’i bërë krenarë shqiptarët

Në mbledhje të Asamblesë së përgjithshme të zakonshme të zhvilluar ditën e sotme, Presidenti i Federatës Shqiptare të Futbollit, Armando Duka ka folur rreth Evropianit dhe objektivave të grupit kuqezi.
“Objektivi ynë ka qenë që të jemi në Francë. Të gjithë ata që kanë qenë në fushën e lojës, kanë dhënë kontributin e tyre për të arritur deri, këtu do të jenë në Evropian. Në Francë do të jemi dhe për vendin tonë, për të promovuar vlerat tona në të gjitha qytetet ku do të shkojmë”, theksoi kreu i FSHF-së.
Për tifozët
“Të gjithë shqiptarët janë të rëndësishëm për realizimin e objektivave dhe ëndrrave. Tifozët kanë dhënë kaq shumë për Kombëtaren në rritje të saj në çdo moment. Dua t’i falënderoj për kontributin që kanë dhënë dhe t’i ftoj t’i bashkohen grupit të tifozëve të Kombëtares”, përfundoi Duka.