Drejtuesit e automjeteve në Viti, ankohen për rrugët e dëmtuara

Viti – Dëmtimi i shpejtë i rrugëve dhe vonesat në riparimin e tyre po u shkaktojnë probleme të mëdha qytetarëve, drejtuesve të automjeteve në Komunën e Vitisë.

Fotot janë të bëra nga vendngjarja në rrugën Viti – Pozheran e quajtur “Hasan Prishtina”, rruga e gërryer ka shkaktuar gropa dhe akumulimi i ujit në to po e rritë pasigurinë tek shoferët e automjeteve thuhet në reagimin e EVSB-së.

Drejtuesit e automjeteve i than EVSB-së, se dëmet që i pësojnë janë të shumëfishta, nga dëmtimi i veturave e deri te aksidentet.

“Po dëmet janë evidente, po shkaktohen prishje të automjeteve, po bëhet dy herë apo tri herë e njëjta punë edhe prapë nuk përfundon. Është më mirë të mos nisin shumë punë, por atë që e nisin ta përfundojnë, e jo veç të nisin e kurrë mos të përfundojnë”, thonë disa nga drejtuesit e automjeteve.

Ligji për sigurinë në komunikacionin rrugorë thuaja fare nuk përfillet, sepse personi apo kompania në fjalë nuk bënë sigurimin e vend punishtes me shenja adekuate të komunikacionit siç janë: Shenjat e rrezikshme, punime në rrugë dhe gunga në rrugë. Shenjat që gjenden në foto, punime në rrugë, gunga në rrugë, ato në vendpunishte në rrugët ku punohet nuk vendosen nga kompanitë kontraktuese, thuhet në reagimin e Koordinatorit të EVSB-së, Imri Emërllahu./rajonipress/