Drejtoria e Kulturës i dhuron 30 libra ”Bardhësitë e atdheut”, Bibliotekës Regjionale

Gjilan – Drejtoria për Kulturë, Rini dhe Sport, në një ceremoni rasti, i ka dhuruar sot Bibliotekës Regjionale “Fan S. Noli” në Gjilan, tridhjetë libra “Bardhësitë e Atdheut”. Me këtë rast drejtori i Kulturës, Veton Nevzadi, ka thënë se libri “Bardhësitë e Atdheut” nga Afrim Mustafa është një enciklopedi e biografive dhe dëshmive materiale për të gjithë dëshmorët e luftërave të tri ushtrive shqiptare në të gjitha trojet (UÇK, UÇPMB dhe UÇK ).

Këto enciklopedi të dëshmorëve të lirisë po ia dhurojmë në tridhjetë kopje Bibliotekës Rajonale “Fan.S.Noli” në Gjilan si pjesë e programit të Drejtorisë për Kulturë Rini dhe Sport për pasurimin me ekzemplarë të rijnë të bibliotekës sonë, tha ndër të tjerash Nevzati.

Ndërsa drejtori i Bibliotekës Rajonale “Fan S. Noli”, Shefki Osmani, ka thënë se këto janë libra jashtëzakonisht me vlerë për lexuesin tanë.“Ky libër voluminoz është dhe do të jenë 30 ekzemplarë. Libri ka një vlerë bukur të madhe i cili do të shpërndahet jo vetëm në bibliotekën Amë në qendër, por do të shpërndahet edhe në degët tona dhe mundësisht do t’u shpërndajmë edhe dy bibliotekave të Kosovës Lindore, Preshevës dhe Bujanocit dhe do t’u ndajmë nga një ekzemplarë, ku si dhuratë kjo i dedikohet Ushtrisë Çlirimtare të Kosovës, veteranëve, martirëve dhe është një libër i cili bënë përmbledhje e tërë botimeve deri më tani” ka thënë Osmani./rajonipress/