Drejtori i Kirurgjisë Mehmet Maxhuni, dënohet me 7500 euro
RajoniPress
08:18, 25 Nëntor, 2013
Mehmet Maxhuni, drejtori i Klinikës së Kirurgjisë është gjobitur me 7 mijë e 500 euro. Kjo ndodhi për shkak se para disa kohësh ky i fundit kishte shkarkuar shefin e Kirurgjisë Vaskulare, Elmi Ollurin, i cili kishte raportuar se mjeku kujdestar nuk ka qenë prezent në orarin e punës gjatë kohës kur një paciente ka vdekur.
Pas këtij raportimi Olluri është shkarkuar nga pozita e shefit të repartit. Ai, ka thënë se shkarkimi i tij është bërë për hakmarrje. Maxhuni është gjobitur nga Inspektoratit i Shëndetësisë, shkruan Koha Ditore.
Ngjarja pas së cilës e pësoi Olluri, ka ndodhur para një viti, kur F.H e cila nuk jeton më, ka vdekur në Qendrën Emergjente në kohën kur mjeku kujdestar V.G nuk ishte aty. kjo mungesë e tij gjatë orarit të punës ka bërë që vdekja të cilësohet si e dyshimtë.
