“Dosja Pacolli” përfundon në EULEX

Zëvendëskryeministrit Behgjet Pacolli i është ngritur kallëzim penal në Prokurorinë Speciale nga Agjencia Kundër Korrupsionit, nën akuzën se ka falsifikuar dokumente dhe ka mashtruar hetuesit që merren me luftimin e korrupsionit dhe konfliktit të interesit.

Burime të afërta me AKK-në i kanë konfirmuar “Kohës Ditore” se kallëzimi penal është deponuar të enjten pasdite në duar të prokurorëve evropianë që veprojnë në Kosovë.
Në EULEX kanë konfirmuar se e kanë pranuar një lëndë nga AKK-ja, por pa dhënë shpjegime të tjera.

Zyrtarë të lartë institucionalë e shohin të udhës që ai të lirohet nga detyra, derisa organet e drejtësisë ta thonë fjalën e fundit rreth “aferave” në të cilat dyshohet të jetë përfshirë ai kohëve të fundit.

Shpërndaje.
© RAJONIPRESS