Dogana ka vendosur pengesa të mëdha për blerjet online

Doganat e Kosovës kanë filluar të aplikojnë taksë doganore pothuajse për të gjitha mallrat që blihen online për nevoja personale, shkruan sot “Koha Ditore”. Kjo praktikë, kohëve të fundit, ka marrë përmasa të mëdha dhe po u shkakton qytetarëve shumë vështirësi.

Ata përveçse kufizohen në blerje për shkak të limitit shumë të ulët të vlerës së mallit i cili u lejohet të futet pa doganë, janë të detyruar të shkojnë deri në Aeroportin e Prishtinës për t’i paguar taksat.

Çdo blerje mbi 45 euro duhet të zhdoganohet, edhe pse është për përdorim personal.