Disa persona të ndaluar, gjashtë aktakuza të ngritura është bilanci i fundjavës

Gjilan – Në të gjitha këto arrestime dhe ngritje të aktakuzave kanë dominuar veprat penale “Shantazhi”, “Trafikimi me njerëz”, “Vrasje në tentativë”, “Rrezikim i trafikut”, “Kontrabandim i mallrave” dhe “Vjedhje e pyllit”.

Ndalimet e personave me urdhër të prokurorit: Departamenti Përgjithshëm, ka ndaluar një (1) person, në kohëzgjatje prej 48 orëve, me dyshimin se ka kryer veprën penale “Shantazhi”.

Kërkesat për caktimin e masës së paraburgimit (apo masa tjera):
Prokuroria Themelore në Gjilan, ka paraqitur pesë (5) kërkesa për caktimin e masës së paraburgimit, ndaj pesë (5) personave të dyshuar.

Departamenti për Krime të Rënda, ka paraqitur dy (2) kërkesa për caktimin e masës së paraburgimit, ndaj dy (2) personave. Njëra kërkesë është paraqitur ndaj një (1) personi, me dyshimin e veprës penale “Trafikimi me njerëz”, ndërsa kërkesa tjetër është paraqitur ndaj një (1) personi, me dyshimin e veprës penale “Vrasje në tentativë”.
Departamenti Përgjithshëm, ka paraqitur tri (3) kërkesa për caktimin e masës së paraburgimit, ndaj tre (3) personave të dyshuar. Njëra kërkesë është paraqitur ndaj një (1) personi të dyshuar për veprën penale “Lëndim i rëndë trupor”, njëra kërkesë ndaj një (1) personi për veprën penale “Organizimi i skemave piramidale dhe bixhozit të paligjshëm’” dhe njëra kërkesë ndaj një (1) personi për veprën penale “Shantazhi”.

Aktakuzat:
Departamenti Përgjithshëm, ka ngritur gjashtë (6) aktakuza, kundër gjashtë (6) personave, për këto vepra penale:
Dy (2) aktakuza kundër tre (3) personave, për veprën penale “Lëndim i lehtë trupor”,
Një (1) aktakuzë kundër një (1) personi për veprat penale “Lëndim i lehtë trupor” dhe “Asgjësimi apo dëmtimi i pasurisë”,
Një (1) aktakuzë kundër një (1) personi për veprën penale “Rrezikim i trafikut publik”,
Një (1) aktakuzë kundër një (1) personi për veprën penale “Vjedhja e pyllit” dhe
Një (1) aktakuzë kundër një (1) personi për veprën penale “Kontrabandimi i mallrave”./rajonipress/