Disa Degë të LDK’së kërkojnë rikthimin e Fatmir Sejdiut

Disa Degë të LDK’së nëpër qytete të ndryshme të Kosovës po e kërkojnë rikthimin e Fatmir Sejdiut në krye të Partisë. Kështu, në disa qytete, disa anëtarë të Kryesive të Degëve kanë nisur të kërkojnë rikthimin e Sejdiut.

Burime të Express kanë treguar se një pjesë e Degës së Suharekës, Podujevës, Gjakovës, Gjilanit, Kamenicës e Prizrenit po kërkojnë që Sejdiu të jetë sërish i pari i LDK’së.

Ndryshe, Sejdiu, deri më tash nuk e ka mohuar mundësinë e kandidimit për udhëhequr me Lidhjen Demokratike të Kosovës.

Aktualisht, këtë parti po e udhëheq Isa Mustafa, i cili ka pësuar tri humbje të njëpasnjëshme në ballafaqim direkt me kundërshtarët politik. Mustafa ka humbur edhe garën për Kryetar të Prishtinës si dhe ka humbur dy herë garën në zgjedhjet nacionale.

Veç kësaj, përkrahësit e Fatmir Sejdiut, kanë hapur edhe faqe në rrjetet sociale me thirrje që ai të rikthehet në krye të LDK’së.