Dibran Tahiri e pranon fajësinë, avokati Pira tregon detajet e këtij procesi gjyqësor

Gjilan – Avokati dr.sc.spec. Shemsedin Pira i cili e mbron të akuzuarin Dibran Tahirin tha se i pandehuri e ka pranuar fajësinë sipas aktakuzë lëndore dhe Gjykata e ka pranuar fajësinë e tij dhe tani pritet shpallja e aktgjykimit më 17 dhjetor.

I akuzuar për vrasjen e Armend Behlulit më 16 dhjetor 2023, nw fshatin Dobwrqan tw Gjilanit, Dibran Tahiri tashmë e ka pranuar fajësinë sipas aktakuzës lëndore, për të gjitha bazat për të cilat është ushtruar, kurse Gjykata e Gjilanit ka marrë aktvendim dhe e ka pranuar fajësinë, derisa aktgjykimi shpallet më 17 dhjetor.

Avokati dr.sc.spec. Shemsedin Pira tha se gjendja faktike është vërtetuar në bazë të provave të administruara, në shqyrtimet kryesore të mbajtura në Gjykatën Themelore në Gjilan, pranë departamentit për krime të rënda që po kryesohet nga gjykatësi Agim Ademi.

“Jemi në fund të këtij procesi gjyqësor, ku edhe janë zhvilluar katër seanca gjyqësore dhe tani më 17 dhjetor edhe pritet verdikti përfundimtar” tha avokati Pira.

Ndryshe, Dibran Tahiri akuzohet për veprën penale “Vrasje” sipas aktakuzës, që e ka ngritur prokurori Agron Uka./rajonipress/