Dialogu s’ndalet pa Traktat Paqeje

Deklarimet e zyrtarëve të lartë të Serbisë se nuk pranojnë të nënshkruajnë kurrfarë Traktati të Paqes me Kosovën, nuk u kanë bërë përshtypje zyrtarëve të lartë të Kosovës. Zv/kryeministri dhe ministri i Drejtësisë Hajredin Kuçi, si njëri ndër ideatorët e nënshkrimit të një traktati të tillë, pasi ka komentuar deklaratën e ministrit të Jashtëm të Serbisë, Ivica Daçiq, se Serbia nuk do të nënshkruajë asnjë marrëveshje paqeje me Kosovën, ka thënë se Kosova megjithatë duhet të vazhdojë të ndërtojë dialogun me palën serbe.

Kjo për faktin se, siç ka thënë ai, dialogu si qëllim final e ka pikërisht nënshkrimin e një marrëveshjeje të paqes. “Dialogu mu këtë qëllim duhet ta ketë nënshkrimin e Traktatit të Paqes. Deklarata e tij është për konsum të brendshëm”, ka thënë Kuçi. Ndërkohë, ndryshe mendon analisti politik Shpend Kursani.

Sipas këtij të fundit, deklaratat e përfaqësueseve serbë nuk duhet të na vijnë si befasi, pasi që pala shqiptare ka pranuar të hyjë në këto negociata me Serbinë pa ia kujtuar asaj asnjë veprim të së kaluarës…(Tribuna).